Kryeministri Avdullah Hoti, ka dënuar sulmin me armë zjarri në drejtim të veturës së gazetarit të Gazetës Online “Reporteri.net” Shkumbin Kajtazi.

Hoti përmes një postimi në Facebook ka thënë se me shqetësim e ka marrë lajmin për rastin e sulmit ndaj gazetarit Kajtazi dhe kërkon nga organet e rendit që ta trajtojnë rastin me prioritet të lartë dhe t’i zbardhin rrethanat e sulmit.

“Me shqetësim e mora lajmin për rastin e sulmit ndaj gazetarit Shkumbin Kajtazi. Liria e medias dhe liria e shprehjes janë të garantuara me ligj dhe do të mbrohen në secilën rrethanë. Prandaj, kërkoj nga organet e rendit që ta trajtojnë rastin e Shkumbinit me prioritet të lartë dhe t’i zbardhin rrethanat e sulmit.
Sulmet ndaj gazetarëve dhe mediave janë sulme direkte ndaj vlerave demokratike, prandaj edhe do të trajtohen me prioritet nga organet e rendit në Republikën e Kosovës”, ka shkruar Hoti.

https://www.facebook.com/avdullah.hoti/posts/3751781278216532?__xts__%5B0%5D=68.ARCINkt8IyIyMx-Hc07eVyWMlPiYYutKPJbJXsPZTVMUhKfdG7mPsryYrDI1oGYKER6bqy5edzWuiSlYLsTYUTbJrqEf9JcNp7Du2WnTYvWANJmMH9qf9UZciFJozq8tUY4ZO2t0NH_n__jOOUuiEV4IDMf4CO5EA4ilh66x4Nh3xNHksZf_w3jjUmJzWczT-xHg53nnYIOpRP-QRpSs_B9cdRq5oWtKMB42caKcwkehUFoKiOfUbIaj4028JCpKqdLGk6Dp9OWvbkqa84vzlHQ0hRtmki5nfxvGcZEMHjrYKWJBtikdA4Z8GtDu0dClDf7veR_M2OnDIAMO9FaXmA&__tn__=-R

Për sulmin ndaj gazetarit Kajtazi ka reaguar edhe Lëvizja Vetëvendosje dega në Mitrovicë duke e quajtur sulmin “akt qyqar”, dhe ka kërkuar nga institucionet e drejtësisë sa më parë të hetojnë këtë rast.

Edhe kryetari i Mitrovicës, Agim Bahtiri ka reaguar për sulmin ndaj gazetarit Kajtazi, me ç’rast ka kërkuar të gjinden dhe dënohen sa më parë sulmuesit.

Kurse Asociacioni i Gazetarëve të Kosovës përmes një reagimi ka thënë se sulmi ndaj gazetarit Shkumbin Kajtazi, goditje e rëndë për lirinë e shprehjes.

Kujtojmë se mbrëmjen e së shtunës, vetura e gazetarit të Gazetës Online “Reporteri.net”, Shkumbin Kajtazi, u bë cak i një sulmi me armë zjarri.