Kryetari i PDK-së, Memli Kransiqi ka thënë se e sheh si pozitive deklaratën e Presidentit të ShBA-së, Donald Trump ku kishte deklaruar në “Truth Sociale” se do ta rregullonte sërish çështjen mes Kosovës dhe Serbisë, shkruan Reporteri.net.

Krasniqi tha se para se të mendojmë për pozicionin e ShBA-së duhet të shohim ku ndodhet Kosova sot, si dhe bllokadën që sipas tij po e shkakton Albin Kurti.

“E shoh pozitivisht faktin që Trump e përmend edhe Kosovën dhe e sheh si një nga temat të cilat ai do të merret gjatë mandatit të tij, por para se të mendojmë për pozicionin e ShBA-së neve na takon të mendojmë ku është Kosova sot, dhe bllokada që po vazhdon për shkak të kryeneçësisë të Kurtit”.

“Se nëse në një moment ka një kërkesë nga ShBA-ja për të pasur një qasje më proaktive ne raport me marrëveshjen potenciale mes Kosovës dhe Serbisë, e ne nëse si kemi institucionet e konsoliduara, kjo gjithsesi e dëmton pozicionin e Kosovës”, tha Krasniqi.

/Reporteri.net/

Trump: Do ta zgjidhi sërish çështjen mes Kosovës dhe Serbisë