Deputetët e Kuvendit të Kosovës sot mblidhen në përpjekjen e 42-të për konstituimin e legjislaturës së 9-të.
Edhe pas aktgjykimit që nxori Gjykata Kushtetuese, në Kuvend sërish vazhdoi skenari i njëjtë meqë partitë politike po e lexojnë ndryshe aktgjykimin.
Lëvizja Vetëvendosje po insiston se votimi i fshehtë – përmes të cilit synon që kandidatja e tyre për kryeparlamentare, Albulena Haxhiu, e cila dështoi të merrte votat e nevojshme në votim të hapur – nuk është antikushtetues.
Për partitë tjera kjo s’është e pranueshme meqë thonë se aktgjykimi i fundit i Kushtetueses e bën të qartë se kryeparlamentari duhet të zgjidhet sipas praktikave të deritanishme parlamentare – me votim të hapur.
E presidentja e Kosovës, Vjosa Osmani, ka komentuar situatën e bllokadës për konstituimin e Kuvendit, duke theksuar se votimi i fshehtë është i mundur nëse arrihet konsensus ndërmjet deputetëve për këtë formë të votimit.
“Konstatimi i ekipit tim ligjor, me të cilin unë pajtohem, është që në qoftë se lexohet në tërësi aktgjykimi, votimi i fshehtë nuk përjashtohet si mundësi. Megjithatë për të kërkohet konsensusi i deputetëve. Kjo nënkupton që duhet të ketë vendim të seancës para se të shkohet te një mënyrë e tillë”, deklaroi Osmani.
E para e shtetit paralajmëroi pasoja juridike në rast se Kuvendi nuk konstituohet brenda 30 ditëve, siç ka vendosur Gjykata Kushtetuese.
Ndërkohë, PDK dhe LDK për bllokadën e re në Kuvend kanë dërguar edhe dy kërkesa në Gjykatën Kushtetuese. Të dyja po kërkojnë që të shpallen antikushtetuese veprimet e Avni Deharit dhe të konstituohet Kuvendi sipas rendit të ditës.
LDK-ja iu drejtua dje Kushtetueses për sqarim dhe tha se beson se vazhdimet e fundit të seancës konstituive janë bërë “në kundërshtim të plotë” me Kushtetutën e Kosovës dhe me konstatimet e aktgjykimit të Gjykatës Kushtetuese nga 26 qershori. /Reporteri.net/.
Një kërcënim me bombë të shtunën në Kuvendin e Kosovës detyroi evakuimin e deputetëve dhe shtyrjen e seancës konstituive për në mbrëmje. Ky kërcënim doli të jetë i rrejshëm.
Pati dy versione të ndryshme se në çfarë forme ka ardhur kërcënimi që çoi në evakuimin e Kuvendit, shkruan gazeta online Reporteri.net.
Kryeprokurori i Prokurorisë Themelore në Prishtinë, Zejnullah Gashi, ka thënë kërcënimi me bombë ka ardhur rreth orës 10:55, pak para se të niste seanca, e cila ishte paraparë për në orën 11:00. Ai tha se ndodhi përmes thirrjes telefonike.
Gashi ka shtuar se besojnë se personi i dyshuar mund të ketë qenë nga një shtet jomik. Kjo, sipas tij, ka ardhur bazuar në theksin e të dyshuarit gjatë telefonatës që ka zhvilluar.
“Njoftimi për kërcënim me bombë ka ardhur rreth orës 10:54. Gjitha njësitet e policisë kanë dalur në vendin e ngjarjes, përfshirë edhe Prokurorinë Themelore të Prishtinës. Në vendin e ngjarjes janë edhe njësit k9 dhe njësiti për deminim, të cilët kanë bërë punën e vetë edhe ka rezultuar se është kërcënim i rrejshëm”, u shpreh ai.
Ai tha se do të vazhdojnë me hetimet se nga ka ardhur telefonata anonime.
“Nuk ka diçka që ja vlen të ceket nga vendi i ngjarjes, hetimet për thirrjen telefonike do të vazhdojnë, ka qenë me zë mashkulli me gjuhë angleze, ne mendojmë që është me aksent të shteteve jo mike”, tha ai.
Ndërkaq, Policia e Kosovës konfirmoi për Gazetën Online Reporteri.net se kërcënimi për mjet shpërthyes në Kuvendin e Kosovës u bë përmes një mesazhi.
“Sot, me datë 05.07.2025 në orët e paradites, është pranuar një informatë (me sms), për një kërcënim me mjet shpërthyes në objektin shtetëror të RKS-së. Me të pranuar informatën, janë angazhuar njësitë kompetente policore, të cilat fillimisht kanë bërë perimetrin e sigurisë dhe kanë evakuuar personat nga objektet. Policia e Kosovës ka njoftuar prokurorinë kompetente dhe hetuesit policorë të cilët së bashku me njësitë dhe ekspertët përkatës për deminim, janë duke marrë veprimet e duhura të kontrollit në objekt”, kanë thënë nga Policia.
Se kërcënimi me bombë erdhi përmes një telefonate, e tha edhe deputeti i VV-së, Glauk Konjufca si dhe sekretari i Kuvendit, Arben Loshi, të cilët kanë thënë se kërcënimi është bërë përmes një telefonate.
Konjufca, teksa doli nga Kuvendi pas kërkesës nga Policia, i pyetur nga gazetarët për formën e kërcënimit, ka thënë se sipas informacioneve që ka është bërë përmes një telefonate.
“Me sa e di unë, vetëm përmes telefonatës, tjerat nuk i kemi të qarta”, deklaroi Konjufca.
Njëjtë deklaroi edhe Sekretari i Kuvendit të Kosovës, Arben Loshi, i cili para gazetarëve ndërsa njoftoi për vazhdimin e seancës në orën 20:00, tha se bëhet fjalë për një kërcënim që ka ardhur përmes një telefonate.
Loshi ka thënë se personi që ka telefonuar ka folur në gjuhën angleze dhe ka thënë se një bombë në Kuvendin e Kosovës do të shpërthej brenda 10 minutave.
Seanca e Kuvendit të Kosovës është shtyrë të mbahet për sonte në orën 20:00. /Reporteri.net/.
Vazhdimi i seancës konstituive të sotme është shtyrë për në orën 20:00. Kështu konfirmoi sekretari i Kuvendit, Arben Loshi, i cili tha se kjo është bërë me kërkesë të kryesuesit të seancës, Avni Dehari.
Kjo ftesë ka ngjallur pyetje nga deputetja e PDK-së, Blerta Deliu, e cila e quajti “të çuditshme” duke bërë të ditur se caktimi për seancës është bërë pa përfunduar ende kontrollet në Kuvendin e Kosovës.
“Pa dashur të hyjmë në spekulime, por ftesa për seancë në orën 20:00 është, të paktën, e çuditshme. Kontrolli në Kuvend pas alarmit për bombë ende nuk ka përfunduar. Nuk ka asnjë deklaratë zyrtare nga Policia. E megjithatë, dërgohet ftesa për seancë – sikur gjithçka është në rregull. Si po e di kryesuesi se ambientet janë të sigurta dhe se puna mund të vazhdojë pa asnjë pengesë? P.S. Edhe në këto momente, ndërsa po e bëj këtë postim, Policia ende po i kontrollon hapësirat e Kuvendit,” shkroi Deliu.
Kryeprokurori i Prokurorisë Themelore në Prishtinë, Zejnullah Gashi, ka thënë se alarmi për bombë në Kuvend ishte i rrejshëm.
Ai ka shtuar se besojnë se personi i dyshuar mund të ketë qenë nga një shtet jomik. Kjo, sipas tij, ka ardhur bazuar në theksin e të dyshuarit gjatë telefonatës që ka zhvilluar.
“Njoftimi për kërcënim me bombë ka ardhur rreth orës 10:54. Gjitha njësitet e policisë kanë dalur në vendin e ngjarjes, përfshirë edhe Prokurorinë Themelore të Prishtinës. Në vendin e ngjarjes janë edhe njësit k9 dhe njësiti për deminim, të cilët kanë bërë punën e vetë edhe ka rezultuar se është kërcënim i rrejshëm”, u shpreh ai.
Zejnullahu tha se do të vazhdojnë me hetimet se nga ka ardhur telefonata anonime.
“Nuk ka diçka që ja vlen të ceket nga vendi i ngjarjes, hetimet për thirrjen telefonike do të vazhdojnë, ka qenë me zë mashkulli me gjuhë angleze, ne mendojmë që është me aksent të shteteve jo mike”, tha ai.
Policia e Kosovës konfirmoi për Gazetën Online Reporteri.net se kërcënimi për mjet shpërthyes në Kuvendin e Kosovës u bë përmes një mesazhi.
“Sot, me datë 05.07.2025 në orët e paradites, është pranuar një informatë (me sms), për një kërcënim me mjet shpërthyes në objektin shtetëror të RKS-së. Me të pranuar informatën, janë angazhuar njësitë kompetente policore, të cilat fillimisht kanë bërë perimetrin e sigurisë dhe kanë evakuuar personat nga objektet. Policia e Kosovës ka njoftuar prokurorinë kompetente dhe hetuesit policorë të cilët së bashku me njësitë dhe ekspertët përkatës për deminim, janë duke marrë veprimet e duhura të kontrollit në objekt”, kanë thënë nga Policia. /Reporteri.net/.
Seanca konstituive, e 42-ta me radhë e planifikuar në ora 11:00 të shtunën, është shtyrë për në ora 20:00 pas kërcënimit me bombë në objektin e Kuvendit.
Deputetët e Kuvendit të Kosovës dhe punonjësit e tjerë brenda objektit janë udhëzuar sot që të evakuohen nga ndërtesa e Kuvendit pas një kërcënimi me bombë.
Policia e Kosovës konfirmoi për Gazetën Online Reporteri.net se kërcënimi për mjet shpërthyes në Kuvendin e Kosovës u bë përmes një mesazhi.
“Sot, me datë 05.07.2025 në orët e paradites, është pranuar një informatë (me sms), për një kërcënim me mjet shpërthyes në objektin shtetëror të RKS-së. Me të pranuar informatën, janë angazhuar njësitë kompetente policore, të cilat fillimisht kanë bërë perimetrin e sigurisë dhe kanë evakuuar personat nga objektet. Policia e Kosovës ka njoftuar prokurorinë kompetente dhe hetuesit policorë të cilët së bashku me njësitë dhe ekspertët përkatës për deminim, janë duke marrë veprimet e duhura të kontrollit në objekt”, kanë thënë nga Policia për Reporteri.net.
Por, një version ndryshe nga Policia e Kosovës e ka dhënë deputeti i Lëvizjes Vetëvendosje, njëherit ish-kryeparlamentari Glauk Konjufca si dhe sekretari i Kuvendit, Arben Loshi, të cilët kanë thënë se kërcënimi është bërë përmes një telefonate.
Konjufca, teksa dolit nga Kuvendi pas kërkesës nga Policia, i pyetur nga gazetarët për formën e kërcënimit, ka thënë se sipas informacioneve që ka është bërë përmes një telefonate.
“Me sa e di unë, vetëm përmes telefonatës, tjerat nuk i kemi të qarta”, deklaroi Konjufca.
Njëjtë deklaroi edhe Sekretari i Kuvendit të Kosovës, Arben Loshi, i cili para gazetarëve ndërsa njoftoi për vazhdimin e seancës në orën 20:00, tha se bëhet fjalë për një kërcënim që ka ardhur përmes një telefonate.
Loshi ka thënë se personi që ka telefonuar ka folur në gjuhën angleze dhe ka thënë se një bombë në Kuvendin e Kosovës do të shpërthej brenda 10 minutave.
“Sipas njoftimit që është dhënë policia, ku është kërkuar evakuimi i menjëhershëm për shkak se në gjuhën angleze një person ka thirrur dhe ka thënë se një bombë është vendosur në Kuvendin e Kosovës dhe e njëjta do të shpërthejë në interval kohor pas 10 minutash”, ka thënë ai.
Seanca e Kuvendit të Kosovës është shtyrë të mbahet për sonte në orën 20:00. /Reporteri.net/.
Pak para seancës së 42-të konstituive, Kuvendi i Kosovës u kërcënua me bombë.
Sipas sekretarit të Kuvendit, Arben Loshi, dikush ka thirrur në gjuhën angleze dhe ka thënë se një bombë do të shpërthejë për 10 minuta në Kuvend.
Lidhur me rastin, në vendin e ngjarjes ka dalë edhe kryeprokurori i Prokurorisë Themelore në Prishtinë, Zejnullah Gashi.
Policia e Kosovës ka urdhëruar sot të gjithë deputetët dhe stafin e Kuvendit të Kosovës, pasi ka qenë një telefonatë se brenda objektit është një bombë.
Evakuimi i deputetëve u bë menjëherë pasi ata ishin mbledhur për mbajtjen e seancës konstituive, e cila ishte planifikuar për në ora 11:00.
Zëvendësuesi i Sekretarit të Përgjithshëm të Kuvendit, Arben Loshi, ka thënë se alarmi është bërë nga një person që ka kërcënuar në gjuhën angleze.
“Sipas njoftimit, është kërkuar evakuimi sepse në gjuhën angleze një person ka thirrë dhe ka thënë që një bombë është vendosë në ndërtesë dhe e njëjta do shpërthejë brenda 10 minutash”, ka thënë ai.
Policia e Kosovës ka konfirmuar për Reporteri.net se kërcënimi për mjet shpërthyes në Kuvendin e Kosovës u bë përmes një mesazhi.
Policia e Kosovës tha se ka angazhuar njësitë kompetence për adresimin e këtij rasti.
“Sot, me datë 05.07.2025 në orët e paradites, është pranuar një informatë (me sms), për një kërcënim me mjet shpërthyes në objektin shtetëror të RKS-së. Me të pranuar informatën, janë angazhuar njësitë kompetente policore, të cilat fillimisht kanë bërë perimetrin e sigurisë dhe kanë evakuuar personat nga objektet”.
“Policia e Kosovës ka njoftuar prokurorinë kompetente dhe hetuesit policorë të cilët së bashku me njësitë dhe ekspertët përkatës për deminim, janë duke marrë veprimet e duhura të kontrollit në objekt”, kanë thënë nga Policia. /Reporteri.net/.
Seanca konstituive e Kuvendit të Kosovës do të mbahet sonte në orën 20:00. Kështu ka konfirmuar për media Sekretari i Kuvendit, Arben Loshi.
Kjo shtyrje e seancës nga ora 11:00 kur ishte paraparë të mbahet sot, është shtyrë pas alarmit për bombë në Kuvendin e Kosovës.
“Seanca konstituive e paralajmëar për 11:00, pas alarmit për bombë, i vazhdon punimet në orën 20:00”, ka deklaruar Loshi.
Deputeti i betuar, Agim Bahtiri ka folur pas kërcënimit për bombë në Kuvendin e Kosovës.
Në lidhje me seancën, ai është shprehur se ajo do të vazhdojë në mbrëmje.
“Në mbrëmje do të jetë seanca”, ka deklaruar Bahtiri.
Njësiti K-9 i Policisë të Kosovës është futur brenda ndërtesës së Kuvendit të Kosovës për të kryer kontrolle të detajuara pas alarmit për një kërcënim.
Qentë specialë po ndihmojnë në kërkimin e mundshëm të eksplozivëve, ndërsa Policia po marrin masat maksimale për sigurinë e institucioneve dhe personelit brenda Kuvendit.
Hetimet vazhdojnë ndërsa situata monitorohet nga afër.
Policia e Kosovës ka konfirmuar për Reporteri.net se kërcënimi për mjet shpërthyes në Kuvendin e Kosovës u bë përmes një mesazhi.
Policia e Kosovës tha se ka angazhuar njësitë kompetence për adresimin e këtij rasti.
“Sot, me datë 05.07.2025 në orët e paradites, është pranuar një informatë (me sms), për një kërcënim me mjet shpërthyes në objektin shtetëror të RKS-së. Me të pranuar informatën, janë angazhuar njësitë kompetente policore, të cilat fillimisht kanë bërë perimetrin e sigurisë dhe kanë evakuuar personat nga objektet”.
“Policia e Kosovës ka njoftuar prokurorinë kompetente dhe hetuesit policorë të cilët së bashku me njësitë dhe ekspertët përkatës për deminim, janë duke marrë veprimet e duhura të kontrollit në objekt”, kanë thënë nga Policia për Reporteri.net.
Kryetari i LDK-së, Lumir Abdixhiku, ka folur pasi Policia e Kosovës kërkoi nga deputetët të largohen nga objekti i Kuvendit, pas dyshimeve për një kërcënim të mundshëm.
Lidhur me këtë ngjarje ka folur kryetari i LDK-së, Lumir Abdxhiku, i cili ka thënë se nuk i është dukur serioze situata.
“Nuk mu duk diçka serioze”, ka deklaruar ai.
Policia e Kosovës u ka kërkuar deputetëve që ta lirojnë objektin e Kuvendit të Kosovës për shkak të një kërcënimi.
Derisa “Klan Kosova” po i transmetonte direkt momentet para nisjes së seancës, shihet edhe evakuimi i deputetëve të Partisë Demokratike të Kosovës, përfshirë kryetarin Memli Krasniqi.
Theksojmë se Policia e Kosovës ka larguar nga ndërtesa e Kuvendit deputetët dhe gazetarët.
Deputeti i PDK-së, Abelard Tahiri, ka thënë se Policia e Kosovës u ka kërkuar që ta lirojnë objektin e Kuvendit të Kosovës për shkak të një kërcënimi.
Ai ka thënë se Policia do të japë detaje për këtë punë.
Deputetja e AAK-së, Time Kadrijaj, e ka quajtur të pakuptimtë situatën e evakuimit.
“Nuk e di çka ka ndodh. Nuk e di kush e ka marrë këtë informacion. Besoj që është tepër e pakuptimtë kjo që po ndodh”, ka thënë Kadrijaj.
“Nuk e besoj, ndoshta është ndonjë telefonatë e qëllimshme që me i largu deputetët nga Parlamenti se s’ka njeri normal që e sulmon institucionin e Kuvendit të Kosovës e që i sulmon deputetët”.
“Ne po e respektojmë këtë vendim”, tha ajo, duke shtuar se do të kthehen sapo t’u thotë policia.
Kryeministri në detyrë, Albin Kurti, ka lëshuar objektin e Kuvendit të Kosovës pasi Policia e Kosovës ka kërkuar nga gjithë ta lirojnë objektin e Kuvendit pas një kërcënimi me telefon që ka ndodhur.
Kurti s’ka folur për mediat derisa është larguar.
Deputeti Glauk Konjufca ka folur para gazetarëve në oborrin e Kuvendit të Kosovës derisa është larguar pas urdhrit të policisë.
Ai ka thënë se në Kuvendin e Kosovës është bërë një ‘kërcënim’ nëpërmjet telefonit duke thënë se policia do të tregojë më shumë.
“Policia kështu po mendon…” tha ai.
Deputetëve të Kuvendit iu është kërkuar ta lëshojnë sallën e Kuvendit për shkaqe sigurie.
Deputetja e PDK-së, Ganimete Musliu, tha se nuk e dinë arsyen, por se patën kërkesë që të dalin nga salla pak para nisjes së seancës konstituive.
“Dilni, dilni se ka diçka edhe dolëm”, tha shkurt ajo.
“Cdo gjë mund të futet në Kuvend. Duke e njohur shumë mirë sistemin e sigurisë dhe kontrollave në Kuvend, që hi e del kushdo, mund të besoj se mund të ketë diçka”, tha ajo.
Deputetët e Kuvendit të Kosovës sapo kanë arritur në Kuvend, janë larguar nga hapësirat atje.
Është Policia e Kosovës që ka kërkuar nga deptuetët të lirojnë hapësirat.
Abelard Tahiri ka thënë se u është kërkuar nga Policia që ta lirojnë Kuvendin e Kosovës.
“S’po dimë çka po ndodh realisht. Na kërkun me dalë. Policia mër shkak të masave të sigurisë duhet të evakuohet stafi”, ka thënë Tahiri për mediat.
“Tash ka një kërcënim. Besoj se më tutje jep policia jep sqarime”, ka deklaruar ai.
Ndërsa deputetët e Lëvizjes Vetëvendosje janë parë duke hyrë në objektin e Qeverisë.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
