Deputeti i Partisë Socialiste në Shqipëri, Taulant Balla, ka reaguar pas vdekjes së këngëtarit Shpat Kasapi, duke shprehur dhimbjen për humbjen e artistit të njohur.

Përmes një postimi, Balla e ka cilësuar Shpat Kasapin si një artist që do të mbetet i paharrueshëm për publikun shqiptar, duke kujtuar veçanërisht këngën “Vallja Kosovare” dhe shumë projekte të tjera muzikore që e bënë atë të dashur për breza të tërë.

“Shumë i trishtë lajmi për ndarjen nga jeta të këngëtarit Shpat Kasapi, dibranit të lindur në Tetovë e që me ‘Vallen Kosovare’ e plot këngë të tjera do mbetet i paharrueshëm për publikun shqiptar”, ka shkruar Balla.