Kryeministri izraelit, Benjamin Netanyahu, tha se armëpushimi i arritur midis Washingtonit dhe Teheranit nuk shënon “fundin e fushatës kundër Iranit” dhe se Izraeli është “gati të vazhdojë luftën në çdo kohë”.

“Ne ende kemi qëllime që duhet t’i arrijmë dhe do t’i arrijmë ato ose nëpërmjet një marrëveshjeje ose nëpërmjet vazhdimit të luftimeve”, tha Netanyahu në një fjalim televiziv drejtuar publikut, raportoi AFP.

Armëpushimi “nuk është fundi i fushatës (por) një hap në rrugën që do të na çojë drejt arritjes së të gjitha qëllimeve tona”, shtoi ai.

Armëpushimi me Iranin, i njoftuar nga Presidenti i SHBA-së, Donald Trump, u ra dakord “në koordinim të plotë” midis Washingtonit dhe Izraelit, tha Netanyahu, duke siguruar se aleati i tij amerikan nuk e kishte habitur.

“Një armëpushim i përkohshëm dyjavor midis Shteteve të Bashkuara dhe Iranit hyri në fuqi mbrëmë, në koordinim të plotë me Izraelin”, tha Netanyahu në një fjalim televiziv.

“Jo, nuk na surprizuan në minutën e fundit,” shtoi ai.

Kryeministri i Izraelit shprehu mbështetje për qasjen e Trump ndaj Iranit në një bisedë telefonike të martën në mbrëmje, u tha gazetarëve të mërkurën zëdhënësja e Shtëpisë së Bardhë, Caroline Leavitt, raportoi Reuters.