Trajneri kosovar Besnik Hasi është dënuar me një ndeshje suspendim dhe 1 mijë e 800 euro gjobë për sjellje josportive ndaj gjyqtarit në ndeshjen ndaj Besiktasit.

Amedspori e mposhti Besiktasin me rezultat 3-2 më 20 shtator, në ndeshjen e vlefshme për javën e gjashtë të Superligës së Turqisë.

Hasi ishte shfaqur i nervozuar gjatë ndeshjes, ndërsa pas përfundimit të saj kishte vrapuar në drejtim të gjyqtarit të takimit.

Për veprimet e tij pas ndeshjes, trajneri kosovar u dënua të martën nga Federata Turke e Futbollit, përkatësisht Bordi Disiplinor.

Amedspori po kalon një sezon të mirë dhe aktualisht renditet në vendin e parë në kampionat me 13 pikë.

Në skuadrën e Hasit luajnë edhe dy futbollistë të Kombëtares së Kosovës, Lumbardh Dellova dhe Ermal Krasniqi.

PFDK, Amedspor’a toplam 2.542.500 TL para cezası verdi. Ayrıca Batı Alt 109, 110, 111 ve Güney Alt 122, 123, 124, 125 numaralı bloklara bir sonraki iç saha maçı için seyirci kısıtlaması uygulandı.
Teknik sorumlu Besnik Hasi, 1 resmi müsabakada soyunma odası ve yedek kulübesine giriş yasağı ile 100.000 TL para cezasına çarptırıldı. Başkan Nahit Eren hakkında ise ceza verilmesine yer olmadığına karar verildi.

— AmedsporXpress (@amedsporxpresss) September 29, 2026