Bayern Munich ka lëshuar pikë të rëndësishme në garën për titullin e Bundesligës, duke barazuar 2-2 ndaj Augsburgut në një përballje të mbushur me emocione.
Skuadra bavareze u befasua që në fillim të ndeshjes, kur pësoi gol pas vetëm tetë sekondash lojë.
Një pasim prapa nga Luis Diaz dhe një gabim i portierit Manuel Neuer i dhanë mundësinë Augsburgut të kalonte në epërsi në mënyrën më të papritur.
Goli i hershëm vendosi një rekord të ri në historinë e Bundesligës, duke tejkaluar kohën prej nëntë sekondash, që mbahej më parë nga Kevin Volland dhe Karim Bellarabi, shkruan Reporteri.net.
Pavarësisht përpjekjeve për ta kthyer rezultatin, Bayerni nuk arriti të sigurojë fitoren dhe u detyrua të kënaqej me një pikë nga kjo përballje.
Ky barazim rezultoi i kushtueshëm për ekipin e drejtuar nga Vincent Kompany, pasi Borussia Dortmund përfitoi nga ngecja e rivalit dhe u ngjit në vendin e parë të tabelës.
Tashmë, gara për kreun e Bundesligës merr një tjetër drejtim, me Bayernin që duhet të reagojë në ndeshjet e ardhshme për të rikthyer pozitën e humbur.
