Manchester City ka heshtur të dielën stadiumin “Anfield Road”, pasi ka shënuar fitore në derbin anglez ndaj Liverpoolit me rezultat 3-0, shkruan Reporteri.net.

Pjesa e parë përfundoi pa gola, por 45 minutat e dytë ishin ferr për vendasit.

Ndeshja mori rrjedhë krejt tjetër kur Liverpooli mbeti me një lojtar më pak, pasi u përjashtua mesfushori holandez Gravenberch në minutë e 62-të.

Reklamë

Pas kësaj, City ndezi motorrët dhe e turpëroi ekipin vendas.

Saktësisht në minutën e 65-të, City kaloi në epërsi me golin e Halland i cili realizoi për 1-0.


Vetëm pas tre minutash, epërsinë në 2-0 për Cityn e ngriti Doku që realizoi supergol në minutën e 68-të.

Golin e tretë për Cityn e shënoi Cherky në minutën e 78-të të ndeshjes.

City pas kësaj fitore renditet i pari me 18 pikë, kurse Liverpooli në pozitën e nëntë me 9 pikë. /Reporteri.net/.