Një aeroplan u përball me kushte tejet të vështira atmosferike gjatë tentimit për t’u ulur në aeroportin e Madeiras në Portugali, pasi stuhia “Charles” përfshiu ishullin me erëra të fuqishme dhe reshje të dendura shiu.
Pamjet tregojnë aeroplanin duke u lëkundur nga erërat e forta gjatë afrimit për aterim, në një prej aeroporteve më sfiduese për pilotët gjatë motit të pafavorshëm.
Shpejtësia e erërave në Madeira arriti deri në 136 kilometra në orë, ndërsa brenda vetëm 12 orëve u regjistruan 355 milimetra reshje shiu.
A challenging landing at Madeira Airport, Portugal, as Storm Charles brings powerful winds and torrential rainfall to the island. Wind gusts have reached 136 km/h, with 355 mm of rain recorded in just 12 hours. https://t.co/bbFbqpEZXG
— Weather Monitor (@WeatherMonitors) November 11, 2026
Stuhia shkaktoi ndërprerje të mëdha në trafikun ajror, me mbi 300 fluturime të anuluara drejt dhe nga Portugalia.
Si masë parandaluese, autoritetet mbyllën rreth 8 mijë shkolla në mbarë vendin, si dhe qindra supermarkete e shërbime publike jo thelbësore.
Pavarësisht kushteve ekstreme dhe masave të marra, stuhia kaloi pa shkaktuar dëme të rënda në vend.
