Kryeqeveritari Ramush Haradinaj ka folur sërish lidhur me mbylljen e lojërave të fatit, duke treguar çfarë do të bëhet me fatin e atyre që humbën punën.

Haradinaj ka potencuar se për këtë është në kontakte me Ministrinë e Punës, mirëpo e ka pranuar se nuk ka akoma asgjë, shkruan Reporteri.net.

“Jemi në kontakte me Ministrinë e Punës me e hap një program dedikuar vetëm atyre, por ende nuk kemi diçka”, ka thënë Haradinaj.

Ndërkaq, ai ka thënë se i ka parasysh pasojat nga mbyllja e këtyrë bizneseve, por ka theksuar se vendimi është parë i arsyeshëm për shkak të presionit.

“Mbyllja e këtyre bizneseve rezulton me humbje të vendeve të punës. E kemi parasysh. Por për shkak të presionit e kemi pa të arsyeshme që me e marrë një vendim të tillë”, ka shtuar ai.

Sidoqoftë, Qeveria propozoi që të ndryshohet ligji për lojërat e fatit dhe me një ligj të veçantë të pezullohet veprimtaria e tyre. Krejt kjo ndodhi pasi plaçkitësit vranë dy punonjës në dy kazino./Reporteri.net