Një sherr masiv ka ndodhur mbrëmjen e kaluar në Gjilan në një lokal ku po performonte Robert Berisha.

Nga sherri ka mbetur një i lënduar dhe tre të tjerë janë arrestuar nga policia, raportojnë mediat kosovare.

Gjatë sherrit, Robert Berisha ishte duke kënduar në skenë si i ftuar special i mbrëmjes së Krishtlindjeve. Mësohet se këngëtari ka ndaluar performancën kur ka parë sherrin.

Në një video të siguruar nga “Insajderi” shihet se 6 makina policie kanë ndërhyrë dhe njerëzit qëndrojnë jashtë të shokuar.

Ende nuk është zbuluar arsyeja e sherrit, por policia po heton për rrethanat e ngjarjes.