Pas problemeve shëndetësore të të atit, Britney Spears i është dashur të përballet me një krizë nervore, ndaj do të kalojë një muaj në një qendër kushtuar shëndetit mendor.

Këngëtarja 37-vjeçare është e shqetësuar për përkeqësimin e shëndetit të të atit, Jamie Spears, ndërsa muajin e kaluar është zhvendosur tek ai për t’i qëndruar pranë.

Ende nuk ka informacione për gjendjen e tij tani, veç faktit që në janar ai iu nënshtrua një operacioni të menjëhershëm, pasi pësoi një çarje në zorrën e trashë.