Sulmuesi i Paris Saint-Germain, Kylian Mbappe nuk e ka fshehur kurrë admirimin për legjendën braziliane Pele, i cili ka qenë gjithmonë idol i tij, por 20-vjeçari ka theksuar se ai ka një idol të dytë: Zinedine Zidane.

Trajneri i tanishëm i Real Madridit ka fituar statusin e legjendës me Juventusin dhe Real Madridin si dhe me ekipin Kombëtar të Francës gjithashtu, kështu që nuk është befasi që ylli i tanishëm i Francës e admiron Zidanen, transmeton Reporteri.net

“I vetmi i cili më ka impresionuar mua sa Pele është Zidane,” ka thënë Mbappe për magazinën franceze France Football.

Zidane është një fans i madh i superyllit francez, ai madje kishte tentuar që të nënshkruante me të sa ishte pjesë e Monacos, gjatë kohës kur ishte në Madrid për herë të parë./Reporteri.net