Policia e Kosovës në bashkëpunim me njësitet e Doganës mbrëmë në Merdare kanë sekuestruar mbi 11 kilogramë narkotikë.

Këtë për Reporteri.net e ka konfirmuar Daut Hoxha, zëdhënësi i Policisë, ai tutje ka thënë që gjatë një kontrolle në pikën kufitare në Merdarë në një nga autobusët e kompanive të udhëtimeve janë gjetur mbi 11 kilogramë narkotikë.

Njësitet përkatëse të policisë së Kosovës janë duke u marrë me rastin.

Droga është dërguar në laborator ndërsa i dyshuari është në kërkim të autoriteteve.

Detajet për këtë rast sipas Daut Hoxhës do të bëhen publike më vonë. /Reporteri.net/