Gjykata Themelore në Prishtinë, ka vendosur sot lidhur me kërkesën e Prokurorisë Themelore të Republikës së Kosovës për caktimin e masës së paraburgimit kundër të pandehurit E.T për shkak të veprës penale “Dhunë në familje”.

Gjykata ka marrë aktvendim dhe të pandehurit E.T. i është caktuar masa e paraburgimit në kohëzgjatje prej një muaji, transmeton Klan Kosova.

“Ekziston dyshimi i bazuar se i pandehuri E.T ka kryer veprën penale e cila i vihet në barrë pasi ka ushtruar dhunë ndaj të dëmtuarës M.R.”, thuhet në kumtesë.