Samsung rimori titullin si “shitësi më i mirë i telefonave të mençur” nga Huawei në Q3 2020, thuhet sipas shifrave të fundit nga Canalys, ndërsa Apple ra në vendin e katërt pas Xiaomi.

Kjo është hera e parë që prodhuesi i iPhone ka humbur pozitën e saj si njëri ndër tre prodhuesit më të mirë në botë. Nj rënie e tillë e Apple nuk ka ndodhur së paku në 12 vitet e fundit.

Ndërsa dërgesat e telefonave ishin më poshtë për 1% nga periudha korresponduese e vitit të kaluar, shifrat e Canalys sugjerojnë që ato u rritën me 22% nga TM2 2020, një periudhë në të cilën shumica e botës ishte akoma në bllokadë si pasojë e pandemisë.

Huawei mbajti vendin e parë në Q2, tremujorin e parë në nëntë vjet që një kompani tjetër përveç Samsung ose Apple kishte qenë në pozicion të tillë.

Kjo ishte veçanërisht e dukshme duke pasur parasysh ndalimin e tregtisë në SHBA që ka penguar Huawei të përdorë versionin Google të Android.

Sidoqoftë, rritja e Huawei ishte tregues i një rritje të shitjeve të brendshme nga Huawei në Kinë, treg në të cilin kompania nuk ka përdorur Android-in e Google.