Një çift indian ka realizuar dasmën në fluturim e sipër, me rreth 160 të ftuar në bordin e një avioni.

Arsyeja e zgjedhjes së një vendi të tillë për dasmën, ishte shmangia e rregullave shtrënguese të koronavirusit.

Rakesh dhe Dakshina prenotuan një fluturim nga qyteti i Madurait dhe bënë dasmën të pashqetësuar, ndërsa në vend po ndodh kërdia dhe viktimat e kanë kaluar shifrën 300 000.

Sipas BBC, vendi nga ku u nis fluturimi me dasmorë nuk lejon më shumë se 50 të ftuar në dasmë.

Mësohet se autoritetet e aeroportit nuk ishin aspak në dijeni se çfarë po ndodhte në avion.

Tashmë, çifti dhe të gjithë pasagjerët mund të ndëshkohen me ndalim udhëtimi ajror në të ardhmen.