Bokseri amerikan, Deontay Wilder ka folur sërish për mundësinë e një përballje me boksierin britanik, Anthony Joshuan në të ardhmen, gjatë konfirmimit të duelit të tij me Breazeale.

“Të gjithë duan ta shohin duelin e madh. Nuk ka nevojë të them se çfarë është ajo përballje, por të gjithë e dinë se çfarë është. Por, fillimisht, janë disa gjëra që duhet t’i bëjmë”, ka deklaruar Wilder.

Kampioni i WBC-së që do ta mbrojë titullin e tij më 18 maj në Barclays Center të New Yorkut kundër Dominic Breazeale, i cili ka vetëm një humbje (nga Anthony Joshua), ka thënë se Breazeale është sfidues i detyrueshëm dhe nuk mund ta anashkaloj.

“Duhet t’i marrim duelet një nga një, prandaj shijojeni këtë”, ka thënë Wilder. /Reporteri.net/.