Pas suksesit të madh që pati në edicionin e parë, të shtunën mbrëma ka filluar edicioni i dytë i spektaklit Big Brother VIP Albania.

Nën moderimin e Arbana Osmanit, ky spektakël ka filluar transmetimin sot prej orës 21:00, me një kast të ri të banorëve VIP, transmeton Gazeta Online Reporteri.net.

Qysh në natën e parë, Big Brother VIP Albania ka arritur që të thyejë shikueshmëri në Youtube, ku po transmetohet prime i parë.

Në kanalin zyrtar të Top Channel në Youtube, këtë spektakël po e ndjekin gati 90 mijë shikues, përpos atyre që po e përcjellin nga televisioni.

Arbër Hajdari është rikthyer sërisht në pozitën e opinionistit, derisa vendin e Balina Bodinakut nga edicioni i kaluar, këtë edicion e ka marrë gazetarja Zhaklin Lekatari.

Prej gati një muaj ka nisur edhe në Kosovë versioni i “Big Brother VIP”, por që vazhdon të jetë shumë larg këtyre shifrave të shikueshmërisë online. /Reporteri.net/.