Politikanja serbe në Kosovë, Rada Trajkoviç, një kundërshtare e kahershme e regjimit të Aleksandar Vuçiç në Beograd, në lidhje me ngjarjet e fundit të barrikadave në Veri, i është drejtuar atij me tri pyetje, raporton gazeta online Reporteri.net.

“1. Pse ‘Lista Serbe u bë naive për katër baza’ në veri? 2. A nuk ishin të vetëdijshëm rreth ‘përballjes së mundshme katastrofale me NATO-n’ përpara se të nxisnim njerëzit në barrikada dhe të ngrinim gatishmërinë luftarake? 3. Cili ishte në fakt qëllimi i barrikadave dhe interesi (privat) i kujt ishte?”, ka pyetur Trajkoviç në Twitter.

Pitanja za @avucic:

Lexo edhe:

Urdhër-arresti ndaj Radoiçiqit dhe të tjerëve për krime lufte në Gjakovë: Trupat e civilëve shqiptarë të vrarë u gjeten në...

Gjatë kontrollit, një shoferi në Bërnjak i gjenden mbi 11 mijë euro dhe 79 mijë dinarë serbë

Kosova lëshon urdhër arrest për krime lufte ndaj Milan Radoiçiqit dhe 19 serbëve: Vranë 106 civilë shqiptarë në Gjakovë, keqtrajtuan...

1. Zašto se Srpska lista “pravila naivna za četiri baze” na severu?
2. Zar za potencijalnu “katastrofu sa NATO” nismo znali pre nego što smo nahuškali narod na barikade i digli borbenu gotovost?
3. Šta je zapravo bio cilj barikada i čiji (privatni) interes? pic.twitter.com/XTu9USmVA9

— Rada Trajkovic (@trajkovic_rada) December 30, 2022

Rada Trajkoviç ka qenë shënjestër e një fushate agresive demonizuese nga Beogradi, veçanërisht pas emërimit të Nenad Rashiç si ministër i ri për komunitete dhe kthim në Qeverinë e Kosovës, post ky që mbahej nga Goran Rakiç i Listës Serbe para se të jepte dorëheqje.

Aleksandar Vuçiç, në një shpërthim të paprecedentë nervash në “Tv Pink”, Rashiçin dhe Trajkoviçin i ka quajtur “llum të fundit të koshit”.

Lista Serbe madje ka paralajmëruar se do ta dërgojë në kushtetuese emërmin e Rashiçit ministër, pasi që, siç pretendojnë ata, ministër nga radhët e serbëve mund të zgjidhet vetëm dikush që ka pëlqimin e përfaqësuesve politikë legjitim të serbëve të Kosovës.

Trajkoviç dhe Rashiç njihen për serbë që pranojnë realitetin politik të shtetit të Kosovës dhe përnga natyra bashkëpunues me shtetin kosovar./Reporteri.net/