Gjykata Themelore në Gjilan i ka caktuar masën e paraburgimit prej 30 ditësh reperit të njohur, Feros.

Këtë e ka konfirmuar për Gazetën Online Reporteri.net, zëdhënësi i kësaj gjykate, Sabit Shkodra.

“Ju konfirmoj qe gjyqtari i procedures paraprake ka aprovuar kerkesen e Prokurorise Themelore ne Gjilan, duke i caktuar masen e paraburgimit ne kohezgjatje prej 30 dite”, tha Shkodra.

Reperi Fero ra në duart e policisë mbrëmjen e 17 janarit, pas disa javësh kërkimi.

Lajmin për arrestimin e tij e konfirmoi Policia e Kosovës në Gjilan.

““Është arrestuar mbrëmë, ka qenë në kërkim për rast një rast “shkaktim i rrezikut të përgjithshëm”. Arrestimi është bë në një nga pikat kufitare në Kosovë. Me vendim të prokurorit është dërguar në mbajtje për 48 orë”, Ismet Hashani, zëdhënës i policisë për rajonin e Gjilanit./Reporteri.net/