Mariza Ikonomi ka sqaruar fotografitë që kanë qarkulluar në rrjet me Luiz Ejllin, banori i Big Brother VIP që ka ‘pushtuar’ faqet rozë.

Këngëtarët janë përfolur se kanë qenë në histori dashuri, por Mariza ka shuar kuriozitetin e të gjithëve duke sqaruar se si qëndron e vërteta.

“Sinqerisht nuk ia kisha idenë për këto thashetheme që janë përhapur. Fotot tona janë shkrepur në prapaskenën e Festivalit. Nëse s’gabohem ka qenë hera e parë dhe e fundit që ne kemi bërë foto.S’kemi pasur asnjëherë lidhje. Luizi është një djalë shume i mirë, karizmatik dhe një koleg që e vlerësoj shumë”, tha Ikonomi në Glamour Zone.