×
  • Extra
  • Extra

    Fermerët nga Australia thonë se ‘pandemia e minjve’ është më e rëndë se koronavirusi

    Reporteri
    17 Qershor 2021 | 16:54

    Një fermer australian e ka krahasuar sot përhapjen masive të minjve në vend si “të përpiqesh të ndalosh përhapjen e Covid në një kroçerë” teksa vendi përballet me infektimin më të madh nga minjtë në 30 vjet.


    Ferma prej 1000 hektarë e Mick Harris në rajonin e New South Wales është një nga mijëra që po shkatërrohen nga minjtë në makthin më të rëndë që ai ka parë ndonjëherë.

    35-vjeçari thotë se një qetësi relative e ditëve të fundit do të thotë se minjtë po rigrupohen para sezonit të mbjelljeve të pranverës”.

    “Është si të përpiqesh të ndalosh përhapjen e Covid në një kroçerë,” thotë ai.

    “Nëse disa kabina janë të kontaminuara, përhapja do të vazhdojë”.

    Teksa në Australi po afron dimri, pronarët e makinave e shtëpive po përballen me problemin se minjtë po kërkojnë ambjente më të ngrohta për të jetuar.

    Vershimet e minjve janë shkaktuar një zjarr në Narrabri, dhe kanë nxjerrë jashtë përdorimi dhjetra makina.

    Shumë banorë kanë vendosur tasa uji në këmbët e tavolinave e krevateve për të ndaluar që minjtë të ngjiten te ata.

    Muajin që kaloi gruaja e një fermeri u dërgua në spital pasi një mi e kafshoi në sy teksa flinte. Mick e familja e tij janë sulmuar prej tyre, teksa kujton sesi një mëngjes u zgjua papritur teksa një mi ecte mbi fytyrën e tij.

    “Ndjeva një ndjesi gudulisëse, leshtore, që erdhi nga prapa veshit në faqet e mia”.

    “Më bëri lëkurën të më ngriheshin qimet përpjetë. Nuk arrita të flej gjithë natën dhe vendosa carqe minjsh poshtë krevatit.”

    Vërshimi i minjve është më i madhi në Australi në 30 vitet e fundit teksa rajonet e Queensland, Victoria, Australisë jugore po përgatiten për dëme prej $750 milionë në të mbjella.

    Ndërkohë kafshët predatore të Australisë dhe ato detare po shijojnë ushqimin e bollshëm që është shfaqur teksa me epideminë e minjve është raportuar shtimi i numrit të gjarpërinjve helmues.

    Dhjetra miliona minj po përhapin terrorin e tyre nga Brisbane deri në Melbourne prej një viti, teksa autoritetet po kërkojnë aprovimin e përdorimit kundër tyre të një helmi të ngjashëm me napalmin briomadiolon.

    Por briomadiolon është vrasës gjithashtu për shumicën e bagëtive dhe kafshët e fermave. /TheSun/

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!