Disa njerëz bien në gjumë lehtësisht në mbrëmje dhe ka shumë të ngjarë të zgjohen në mëngjes po aq lehtë. Mirëpo, kjo nuk vlen për të gjithë. Çelësi qëndron në trupin tuaj dhe veçanërisht në përbërjen tuaj gjenetike në ritmin tuaj. Si rezultat, disa janë njerëz mëngjesi dhe disa janë tipa mbrëmjeje.

Për këtë arsye, ne do ju sjellim disa këshilla se si mund të mësoni trupin tuaj të zgjohet më herët.

Ndryshoni gradualisht kohën tuaj të zgjimit

Është e rëndësishme të bëni ndryshimet që dëshironi në mënyrë graduale. Dhe kjo do të thotë që nëse zgjoheshit në orën 9 të mëngjesit, nuk mund ta vendosni papritmas alarmin në 7 të mëngjesit. Trupi juaj nuk do të marrë pushimin që i nevojitet nëse shkurtoni kohën tuaj të gjumit dhe rikuperimi nuk do të jetë i qëndrueshëm. Mënyra më e mirë për të ndryshuar me sukses ciklin tuaj të gjumit është ta bëni atë gradualisht në rritje prej 15 deri në 20 minuta. Idealisht duhet të prisni të paktën tre net për t’u përshtatur me orarin e ri përpara se të ndryshoni 15 deri në 20 minuta të tjera. Me pak fjalë, do të duhet pak më shumë se një javë për t’u zgjuar një orë më herët.

Mos flini vonë në fundjavë

Sipas hulumtimit të botuar në revistën Chronobiology International, një orar i qëndrueshëm i gjumit në fundjavë duket se çon në gjumë më të mirë dhe zgjim më të lehtë gjatë javës.

Relaksohuni 2 orë para gjumit

Krijoni një rutinë mbrëmjeje që ju ndihmon të relaksoheni dhe ju përgatit për kohën e gjumit. Filloni duke kufizuar ekspozimin ndaj dritës së fortë, akoma më mirë, duke fikur pajisjet rreth dy orë para gjumit. Sipas Fondacionit Sleep, studimet kanë treguar se koha e ekranit para gjumit vonon kohën që i duhet dikujt për të fjetur.

Gjithashtu sigurohuni që dhoma juaj e gjumit të jetë e përshtatshme për të fjetur. Përdorni perde për të bllokuar dritën, fikni të gjitha njoftimet në telefonin tuaj, përveç rasteve urgjente. Synoni për një dhomë të ftohtë, të errët dhe të qetë.

Kërkoni ndihmë profesionale nëse ende nuk mund të zgjoheni në mëngjes

Nëse i keni provuar këshillat e mësipërme vazhdimisht për një deri në tre muaj pa sukses, lini një takim me një specialist të gjumit. Mund të keni të bëni me shqetësime themelore shëndetësore si depresioni ose ankthi, ose mund të keni një çrregullim gjumi.