Zbardhet Arabia Saudite, banorët shijojnë borën në ditën e parë të Vitit të Ri – madje edhe shkretëtira është mbuluar

Bora ka mbuluar pjesë të qytetit Tabuka në veriperëndim të Arabisë Saudite – e kjo ndodhi në ditën e parë të Vitit të Ri, këtë e tregojnë më së miri pamjet e publikuara më poshtë.

Qytetarët kanë dalë nëpër rrugët e Jebel Al Loz nga e shtuna, kur edhe bora filloi të bie në këtë rajon, transmeton Telegrafi.

E moti i ligë ka detyruar autoritetet të mbyllin rrugët për qarkullim për arsye sigurie – por kjo nuk i ndali ata të shijojnë borën që është shumë e rrallë në këtë rajon.

Pritet që temperaturat të bien nën zero gradë, e borë ka rënë edhe në shkretëtirën e Arabisë Saudite. Në rrjetet sociale janë publikuar fotografi e video të ndryshme ku shihet dunat e rërës janë mbuluar nga bora.

Por përzierja e borës me rërë i japin një kontrast këtij vendi që e bën të duket si në përralla. Mbrojtja Civile e Arabisë Saudite, i ka bërë thirrje vizitorëve dhe banorëve të Tabukas që jenë të kujdesshëm për shkak të dukshmërisë së dobët.