×
  • Extra
  • Extra

    Zbuluan se ishte homoseksual, familjarët vrasin barbarisht 20-vjeçarin

    Reporteri
    12 Maj 2021 | 23:16

    Familjarët vranë një të ri në Iran, pasi zbuluan se ishte homoseksual. Siç raportojnë mediat e huaja, 20-vjeçari Alireza u vra nga vëllai dhe kushërinjtë e tij në mënyrë barbare, disa ditë para se të finalizonte planin e tij për t’u larguar drejt Turqisë bashkë me partnerin e tij.


    Ai kishte aplikuar për përjashtim nga shërbimi ushtarak duke treguar seksualitetin e tij, por përgjigja erdhi në shtëpi në momentin që i riu nuk ndodhej aty dhe kështu, familjarët e tij mësuan për seksualitetin e tij. Pas kësaj, vëllai i tij e gënjeu duke i thënë se do të shkonin drejt fshatit Borumi për të takuar babanë e tyre.

    20-vjeçari pranoi, pa e ditur se vëllai i kishte mësuar sekretin. Atje e prisnin edhe dy kushërinjtë, të cilët, në bashkëpunim me vëllanë e tij, e vranë të riun duke i prerë kokën. Më pas, ata telefonuan nënën e tij dhe i thanë se i dhanë fund. Tre të dyshuarit u arrestuan dhe përballen me akuzën e vrasjes.

    Shpërndaje:
    Të ngjashme
    Të ngjashme

    © Reporteri (R Media L.L.C.), 2019-2024. Të gjitha të drejtat e rezervuara.

    Linku i lajmit u kopjua!