Zëvendëskryeministri dhe ministri i Punëve të Jashtme të Kosovës, Behgjet Pacolli me ftesë mbretit Abdullahu ll, po merr pjesë në Forumin Ekonomik Botëror në Jordani.
Pacolli në mesin e takimeve të tjera, gjatë këtij forumi është takuar edhe me homologun e tij, Ministrin e Jashtëm Sllovak, Mirosllav Lajcak. Pas këtij takimi Pacolli ka thënë se ndonëse ky vend akoma nuk e ka njohur Kosovës, bashkëpunimi është në rrugë shumë të mbarë, duke lënë të kuptohet se një e gjë e tillë mund të ndodhë në të ardhmen, shkruan Reporteri.net.
Pacolli po ashtu ka njoftuar se së shpejti Kosova do të bëhet me zyrë në Sllovaki.
Postimi i plotë:
Në Jordani, në margjinat e forumit Ekonomik botëror, zhvillova një takim me ministrin e jashtëm të Sllovakisë, Mirosllav Lajcak.
Përkundër faktit që Sllovakia ende nuk e ka njohur Republikën e Kosovës, bashkëpunimi ynë është jashtëzakonisht në rrugë të mbarë. Në jemi të përkushtuar në ndërtimin e raporteve të mira me të gjitha vendet e BE-së, pse e së cilës familje synojme që të bëhemi pjesë.
Në frymën e bashkëpunimit, me ftesën time, Lajcak do të vizitojë Republikën e Kosovës në qershor të këtij viti. Gjithashtu edhe zyra jonë në Sllovaki do të hapet së shpejti
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
