Arrestohet një person në Skenderaj, lëshonte certifikata të veteranëve jashtëligjshëm

Policia e Kosovës ka arrestuar një person në Skenderaj, i njëjti dyshohet se u ka mundësuar katër personave që të pajisen me certifikata të veteranëve luftëtarë në mënyrë të paligjshme.

Këtë e ka bërë të ditur Policia e Kosovës përmes raportit 24 orësh.

“Është arrestuar një mashkull K/Shqiptar, pasi që dyshohet se i njëjti ka kryer veprën penale të lartcekur, duke u mundësuar katër  personave Certifikata të Veteranëve Luftëtar, me të cilat të njëjtin kanë përfituar pensionin si Veteran”, thuhet në komunikatën e Policisë,  transmeton Reporteri.net

“Me urdhër të prokurorit,  i dyshuari pas intervistimit është dërguar në mbajtje”, njofton Policia në raportin 24 orësh.