Gjermania ka arrestuar dy spiunë të dyshuar rusë, të cilët po planifikonin të sabotonin ndihmat ushtarake të Gjermanisë për Ukrainën, raporton BBC.
Të dyshuarit janë arrestuar në Bavari.
Ministria e Brendshme e Gjermanisë, Nancy Faeser ka deklaruar se autoritetet kanë parandaluar “sulme të mundshme me mjete shpërthyese”.
Spiunët e dyshuar janë akuzuar për mbikëqyrje të qendrave ushtarake të SHBA-së në Gjermani dhe qendra të tjera.
I dyshuari kryesor, Dieter S, është në paraburgim, i akuzuar për disa raste, përfshirë vendosjen e eksplozivëve, zjarrvënie dhe mbajtjen e kontakteve me inteligjencën ruse.
Ai besohet se ka luftuar për forcat e armatosura të Rusisë në lindje të Ukrainës mes viteve 2014-16.
I dyshuari i dytë, Alexander J, është akuzuar për ndihmë për Dieter S. Ai po bënte identifikimin e caqeve të mundshme për sulme.
Gjermania është dhuruesja e dytë më e madhe e ndihmave ushtarake për Ukrainën, pas SHBA-së. Deri më tani Gjermania ka ofruar 28 miliardë dollarë ndihma ushtarake për Ukrainën.