Gjykata holandeze ka urdhëruar qeverinë që të bllokojnë shitjen e pjesëve për aeroplanët F-35 për Izraelin për shkak të shqetësimeve se po përdoren për të shkelur ligjet ndërkombëtare. 

 Gjykata ka mbajtur anën e grupeve për të drejtat e njeriut, të cilat kanë argumentuar se pjesët e ofruara nga ushtria holandeze po ndihmojnë në shkeljen e ligjeve nga Izraeli në Gaza. 

 Izraeli ka mohuar se ka kryer krime të luftës në Gaza. Deri më tani në Gaza janë vrarë më shumë se 28 mijë palestinezë.  

 “Është e pamohueshme se ka rrezik të qartë se pjesët  e eksportuara të F-35 janë përdorur për të shkelur ligjet ndërkombëtare”, thuhej në vendimin e Gjykatës së Apelit në Hagë.  

 Qeveria holandeze është e detyruar që t’i përmbahet urdhrit brenda shtatë ditësh. 

 Pjesët e aeroplanëve amerikanë F-35 ruhen në depot në Holandë dhe pastaj transferohen te shtetet tjera, përfshirë Izraelin.