Alexei Navalny është varrosur të premten në periferi të Moskës, raporton BBC.
Numër i madh i përkrahësve, ani pse rrezikuan të arrestoheshin, kanë bërë brohoritur “Rusi pa Putinin” dhe “Rusia do të jetë e lirë”.
Në varrezat në periferi të Moskës kishte prezencë të madhe të policisë teksa janë arrestuar dy persona.
Në funeral kanë marrë pjesë edhe prindërit e Navalnyt, mirëpo bashkëshortja e tij, Yulia ka vendosur që të mos kthehet në Rusi shkaku i shqetësimeve se mund të arrestohej nga Kremlini.
Në një postim në rrjetet sociale, ajo ka falënderuar bashkëshortin e saj për “26 vjet absolutisht të lumtura” dhe ka shtuar se shpreson se do ta takojë përsëri në tjetër botë.
Lideri opozitar i Rusisë ka vdekur në burgun e Arktikut, në të cilin po mbahej nën akuzat e motivuara politikisht.
Regjimi i Putinit ka publikuar pak detaje të vdekjes së tij. Zyrtarët kanë thënë se ka rënë për tokë gjatë ecjes. Bashkëshortja e tij dyshon se është vrarë me urdhrat e Vlaidmir Putinit.