Kaosi në Kazakistan po vazhdon. 

Siç raportojnë mediat e huaja, transportuesit e blinduar të personelit dhe dhjetëra ushtarë në këmbë hynë në sheshin kryesor të Almaty mëngjesin e sotëm, ku qindra njerëz ishin mbledhur për të protestuar kundër qeverisë për të tretën ditë.

Reporteri i gazetës britanike, “The Guardian”, për Evropën Qendrore dhe Lindore, Shaun Walker, publikoi gjatë ditës së sotme një video në llogarinë e tij në Twitter, ku vetura shihet duke e goditur turmën e policëve.

Gazetari raportoi se videoja besohet se është incizuar në qytetin Aktobe, duke shtuar se nuk e di burimin origjinal të pamjeve.

Protestat në Kazakistan, të nxitura fillimisht nga rritja e çmimit të karburantit, vranë tetë oficerë policie dhe anëtarë të Gardës Kombëtare pardje, të martën dhe të mërkurën, duke bërë që presidenti të thërriste për ndihmë Rusinë që dërgoi trupat.