Ambasadori i ShBA’së, Tom Barrack, ka dënuar incidentin që ndodhi sot në Stamboll si një “sulm ndaj Konsullatës izraelite” në qytetin turk, raporton NBC News, përcjell Reporteri.net.

Barrack tha në një postim në X se “sulmet ndaj misioneve diplomatike janë sulme ndaj rendit ndërkombëtar — dhe një sulm ndaj parimeve që lidhin kombet së bashku.”

Ky incident ndodh pas deklaratës së Ministrit të Brendshëm të Turqisë, Mustafa Ciftci, i cili tha se një i dyshuar ishte i vrarë pas një përleshjeje të armatosur mes tre personave dhe oficerëve të policisë në Stamboll, ku u raportua për të shtënat pranë Konsullatës izraelite.

Ciftci përshkroi sulmuesit si “terroristë” dhe tha se njëri prej individëve kishte “lidhje me një organizatë që shfrytëzon religjionin.”

Ai nuk tha nëse Konsullata ishte objektiv direkt i incidentit. Ministria e Jashtme e Izraelit i tha The Jerusalem Post se konsullata aktualisht nuk ka staf./Reporteri.net