Presidenti i SHBA-ve, Donald Trump, është shprehur se e vetmja arsye pse iranianët janë gjallë “është për të negociuar”.

Në një postim në platformën e tij Truth Social, presidenti shprehet: “Iranianët nuk duket se e kuptojnë se nuk kanë karta, përveç një zhvatjeje afatshkurtër të botës duke përdorur rrugët ujore ndërkombëtare. Arsyeja e vetme pse ata janë gjallë sot është për të negociuar!”

Sakaq, SHBA-të po i ngarkojnë anijet e tyre luftarake me “armët më të mira” në rast se bisedimet e paqes me Iranin dështojnë, sipas Trump.

“Po i ngarkojmë anijet me armët më të mira të prodhuara ndonjëherë, madje në një nivel më të lartë se ai që përdorim për të bërë një shkatërrim të plotë. Dhe nëse nuk kemi një marrëveshje, ne do t’i përdorim ato dhe do t’i përdorim ato në mënyrë shumë efektive”.

Për iranianët, ai thotë se janë njerëz për të cilët “nuk e di nëse e thonë të vërtetën apo jo”.

Bisedimet midis dy vendeve do të zhvillohen të shtunën në Pakistan. Irani sakaq ka përgatitur 10 pika kryesore ndaj Trump-it.

Plani me 10 pika i Iranit

Ndalesë e plotë e luftës në Irak, Liban dhe Jemen

Ndalesë e plotë dhe e përhershme e luftës kundër Iranit pa kufizim kohor

Përfundimi i të gjitha konflikteve në rajon në tërësi

Rihapja e Ngushticës së Hormuzit

Vendosja e një protokolli dhe kushteve për të siguruar lirinë dhe sigurinë e navigacionit në Ngushticën e Hormuzit

Pagesa e plotë e dëmshpërblimeve për kostot e rindërtimit për Iranin

Përkushtim i plotë për heqjen e sanksioneve ndaj Iranit

Lirimi i fondeve dhe aseteve të ngrira të Iranit që mbahen nga Shtetet e Bashkuara

Irani përkushtohet plotësisht që të mos kërkojë zotërimin e ndonjë arme bërthamore

Armëpushimi menjëherë hyn në fuqi në të gjitha frontet pas miratimit të kushteve të mësipërme