Presidenti i Ukrainës, Volodymyr Zelensky, është lajmëruar pas takimit që zhvilloi me liderët evropianë në Ambasadën e Ukrainës në Washington. Takimi u bë për t’i bashkërenduar qëndrimet para takimit me presidentin amerikan, Donald Trump, në Washington.

Zelensky ka deklaruar se “qëllimi ynë kryesor” është paqja e besueshme dhe e qëndrueshme për Ukrainën dhe për mbarë Evropën.

“Dhe është e rëndësishme që dinamika e të gjitha takimeve tona të çojë pikërisht në këtë rezultat. Ne e kuptojmë se nuk duhet të presim që Putini të heqë dorë me dëshirë nga agresioni dhe përpjekjet e reja për pushtim. Prandaj, presioni duhet të funksionojë, dhe ai duhet të jetë presion i përbashkët – nga Shtetet e Bashkuara dhe Evropa, dhe nga të gjithë në botë që respektojnë të drejtën për jetën dhe rendin ndërkombëtar”, shkroi ai.

Ai i falënderoi partnerët e Kievin që po punojnë për t’i dhënë fund luftës së Rusisë në Ukrainë.

“Së bashku me liderët e Finlandës, Mbretërisë së Bashkuar, Italisë, Komisionit Evropian dhe me sekretarin e përgjithshëm të NATO-s, ne kemi koordinuar qëndrimet tona para takimit me presidentin Trump. Ukraina është gati për një armëpushim të vërtetë dhe për vendosjen e një arkitekture të re sigurie. Na duhet paqja”, shtoi ai./Reporteri.net

Our main goal is a reliable and lasting peace for Ukraine and for the whole of Europe. And it is important that the momentum of all our meetings lead to precisely this result. We understand that we shouldn’t expect Putin to voluntarily abandon aggression and new attempts at… pic.twitter.com/lSlBPJNKZo

— Volodymyr Zelenskyy / Володимир Зеленський (@ZelenskyyUa) August 18, 2025