Deputeti i Lëvizjes Vetëvendosje, Fitim Uka, ka dhënë përmes Facebook-ut një sqarim lidhur me dorëheqjen e tij nga Komisioni për Arsim, shkruan Reporteri.net.
Këtë dorëheqje, ai thotë ta ketë bërë pas pakënaqësive që kishte me veten, por, nuk ka dhënë dorëheqje nga partia.
“Ndërkaq, nuk është e vërtetë që jam larguar nga Lëvizja Vetëvendosje dhe as që e kam ndërmend të bëjë diçka të tillë. Brenda apo jashtë Kuvendit unë do të jem në mbështetje të parimeve dhe vlerave të mirëfillta të Lëvizjes Vetëvendosje. Angazhimin tim për edukimin e hershëm si bazament për ndryshim, arsimin cilësor, përfshirjen e asistentëve për fëmijët me nevoja të veçanta, hulumtimin shkencor dhe për shumë tema të tjera do t’i realizoj në Kuvendin e Kosovës edhe për një kohë, si deputet i Lëvizjes Vetëvendosje”, u shpreh ai ndër tjera.