Deputeti Nait Hasani në seancën e jashtëzakonshme të thirrur për projektligjin që ndalon lojërat e fatit për 10 vjet ka folur për rastin e vrasjes javën e kaluar në një kazino të Suharekës, raporton Reporteri.net.
Hasani, thotë se polici që e vrau punonjësin e kazinos në Suharekë, më parë ka qenë i dënuar për shfrytëzim seksual, dhe Policia sërish e ka rikthyer në punë.
“Polici në fjalë ka qenë i akuzuar dhe 7 muaj ka qenë në burg për dhunim seksual. Ai u lirua si i pafajshëm. Policia e Kosovës prap e pranoi në punë dhe ia besoi armën”, ka thënë Hasani në Kuvend.
Po ashtu, Hasani thotë të jetë informuar se polici që kreu vrasjen ka qenë më parë duke u trajtuar në spitalin neuropsikiatrit.
“Polici në fjalë ka ra nga kati i dytë, ka pësuar traumë, ka qenë në spital neuropsikitatrik dhe pas saj prap është pranuar polic dhe i është besuar arma për siguri”, ka deklaruar Hasani. /Reporeteri.net/.