Drenasi do të bëhet edhe me 11 shtatore të heronjve

Kuvendi Komunal i Drenasit, ka miratuar vendimin për vendosjen e shtatoreve të heronjve Shaban, Hamëz e Adem Jashari, Rasim Kiçina, Ilaz Kodra dhe Bedri Shala në sheshin “Fehmi Lladrovci.


Ky ka qenë propozim nga kryetari Ramiz Lladrovci.

“Është mbajtur mbledhja e rregullt e Kuvendit të Komunës, ku për diskutim ishin 11 pika për rend dite, në mesin e tyre edhe propozim vendimi i Kryetarit të Komunës, Ramiz Lladrovci për vendosjen e shtatoreve të heronjve Shaban, Hamëz e Adem Jashari, Rasim Kiçina, Ilaz Kodra dhe Bedri Shala në sheshin ‘Fehmi Lladrovci’, pikë kjo e cila është miratuar unanimisht nga anëtarët e Kuvendit”, thuhet në komunikatë, trasnmeton Reporteri.net.

“Në mbledhje merrnin pjesë, kryetari i Komunës, Ramiz Lladrovci, nënkryetari Gani Sylaj, kryesuesi i Kuvendit, Labinot Halilaj i cili edhe e ka kryesuar mbledhjen, anëtar të Kuvendit të Komunës, drejtor të drejtorive komunale, përfaqësues të OSBE-së, KFOR-it dhe monitorues nga Instituti Demokratik i Kosovës (KDI)”, përfundon komunikata. /Reporteri.net/.