Era e fortë rrëzon skenën ku pritet të mbahet ceremonia e shënimit të 20 vjetorit të masakrës së Mejës

Sot në Kosovë po shënohet 27 Prilli – Dita e të Pagjeturve.


Tubimi qendror do të mbahet në Kompleksin Memorial në Mejë të Gjakovë, ku pritet të marrin pjesë përfaqësuesit e lartë të shtetit të Kosovës dhe ambasadorë të akredituar në Kosovë.

Mirëpo, ndërkohë që përgatitjet për këtë ceremoni kanë filluar, kushtet atmosferike kanë shkaktuar disa telashe. Era e fortë e ka rrëzuar skenën ku pritet të mbahet ceremonia për shënimin e 20 vjetorit të masakrës së Mejës, shkruan Reporteri.net.

Ndërkohë, një numër i madh i qytetarëve tashmë janë mbledhur për të marrë pjesë në shënimin e kësaj dite.

Në Kompleksin Memorial në Mejë, do të jenë prezentë edhe presidenti i vendit, Hashim Thaçi, kryeparlamentari Kadri Veseli dhe kryeministri Ramush Haradinaj. /Reporteri.net