Ish- presidenti i Kosovës, Fatmir Sejdiu nuk e përjashton mundësinë e kandidimit të tij për kryetar të LDK-së, por shprehet vendimin do ta marrë në momentin e nevojshëm.

Megjithatë ai pohon se ka presion pozitiv nga anëtarësia e LDK-së për të kandiduar.
“Është herët për të marrë vendim. Kam një presion të madh pozitiv nga anëtarësia për të kandiduar për kryetar të LDK-së”, thotë Sejdiu.

Ai ka dhe vërejtjen e para sa i përket procesin zgjedhor, pasi pohon se nuk ka nisur mbarë dhe se nuk mund të ketë zgjedhje pa u shpallur zyrtarisht nga kryesia.

Ai nuk e përkjashton që të përsëritet situata e zgjedhjeve të fundit dhe procesi të mos përfundojë deri në fundvit.

“Në Kuvendin e mëhershëm zgjedhor të LDK-së është marrë një vit hua apo është kapërcyer një vit mandat i plotë i LDK-së i proceseve zgjedhore me arsye të ndryshme. Procesi zgjedhor në LDK të ndodh pa ndonjë shtyrje”, ka deklaruar Sejdiu, në një intervistë që do transmetohet sonte në Dukagjin.

Po ashtu Sejdiu theksoi se LDK duhet të marr rol në proceset e rëndësishme shtetërore siç është dialogu me Serbinë.