Hedhet shorti për zgjedhjet në veri, këta janë numrat e partive politike

Komisioni Qendror Zgjedhor, ka bërë tërheqjen e shortit për renditjen e subjekteve politike dhe kandidatëve në fletëvotimet e zgjedhjeve të jashtëzakonshme për kryetarë në 4 komunat veriore.


PDK me numrin 61, Lëvizja Vetëvendosje 60, dhe Lista Serbe 62.

Kandidatët e Partisë Demokratike të Kosovës (PDK) do të jenë:

Leposaviq – Shaqir Hetemi

Zubin Potok – Hysen Mehmeti

Zveçan – Ilir Peci

Mitrovicë e veriut – Gonxhe Çaushi

Kandidatët e Lëvizjes Vetëvendosje do të jenë:

Leposaviq – Fisnik Veseli

Zubin Potok – Liridona Kahrimani

Zveçan – Avdi Peci

Mitrovicë e Veriut – Erden Atiq

Kandidatët e Listës Serbe do të jenë:

Zveçan – Vuçina Jankoviq

Leposaviq– Zoran Todiq

Mitrovicë e Veriut – Goran Rakiq

Zubin Potok – Sedjan Vuloviq.

Shpallja e zgjedhjeve të jashtëzakonshme në komunat veriore erdhi pas dorëheqjes që dhanë, në fund të nëntorit të 2018-ës, kryetarët e katër komunave më veri, si protestë ndaj vendimit të Qeverisë së Kosovës për vendosjen e taksës 100% për mallrat që vijnë nga Serbia dhe Bosnje Hercegovine.

Kujtojmë se buxheti i planifikuar për mbajtjen e zgjedhjeve në Veri do të jetë 471 mijë euro. Kështu ka bërë të ditur kryetarja e Komisionit Qendror të Zgjedhjeve Valdete Daka.

Zgjedhjet do të mbahen më 19 maj të këtij viti, kurse me të drejtë vote në komunat e veriut janë rreth 52 mijë qytetarë.