20 vjetori i bombardimeve të NATO-s ka bërë bashkë edhe njëherë ish-komandatët e UÇK-së.
Në disa fotografi të postuara në rrjetet sociale, shihet presidenti Hashim Thaçi bashkë me ish-gjenerealin Sylejman Selimin e ish-kryetarin e Skenderajt Sami Lushtakun teksa në një odë diku kanë shtruar sofrën, transmeton Reporteri.net.
Me fli, çaj e speca siç duket ish-komandatët e UÇK-së kanë vendosur ta festojnë 20 vjetorin e bombardimeve të NATO-s në Kosovë, por nuk dihet se ku janë realizuar këto foto.
Presidenti Thaçi shihet duke buzëqeshur në njërën nga fotot, ndërsa Selimi duket më i uritur pasi është përqendruar tek ushqimi.
Ndërsa në sofër nuk shihet Lushtaku i cili me gjasë më vonë i është bashkuar kësaj ndeje, pasi ai shihet vetëm duke pirë çaj me shokët. /Reporteri.net/.