Zv. kryeministri i Kosovës, njëherësh zv.kryetar i PDK-së, Enver Hoxhaj, ka komentuar përsëri këmbënguljen e kryeministrit Ramush Haradinaj, për ta mbajtur në fuqi taksën ndaj mallrave serbe, përkundër thirrjeve nga ndërkombërarët për ta hequr atë.
Hoxhaj ka thënë se çështja e taksës ka lënduar raportet me partnerët e Kosovës.
Ai ka vlerësuar se taksa mund ta vrasë mundësinë e arritjes së marrëveshjes me Serbinë.
“Kjo temë është konsumuar, kjo temë do të ketë risi kur ne marrim qëndrim në Qeveri”, është shprehur Hoxhaj, në RTK.
“Por një gjë qëndron: Taksa i ka lënduar raportet me partnerët tanë. Taksa mundet ta vret mundësinë që gjatë 2019 të ketë një marrëveshje finale me Serbinë. Taksa e ka vendosur dialogun me Serbinë në qorrsokak”, ka pohuar Hoxhaj. /Reporeteri.net/