Policia ka arrestuar një person në fshatin Dresnik të Klinës, pasi dyshohet se i njëjti nga pakujdesia ka djegur disa shkurre në pronën e tij.
Rasti ka ndodhur pasditen e së hënës në fshatin Dresnik të Klinës, ku i dyshuari ka djegur disa shkurre në pronën e tij ndërkaq më pas zjarri ishte shpërndarë duke shkaktuar dëme dhe ishte djegur shtëpia e pabanuar e të dyshuarit.
Policia bën të ditur se me urdhër të prokurorit, i dyshuari është liruar në procedurë të rregullt.
Një rast tjetër zjarri ka ndodhur të enjten në Klinë, ku policia bën të ditur se është raportuar për djegien e pronës së një ndërmarrje bujqësore./Express/