Në njërën anë të një pllake përkujtimore janë emrat e të vrarëve. E në anën tjetër janë vendosur emrat e të zhdukurve.
Bile të zhdukurit janë plagë edhe më e thellë për banorët e Krushës së Vogël.
Në memoriet e njerëzve por edhe rrugëve të kësaj ane është ende e freskët maltretimi dhe vrasjet e civilëve shqiptare të bërë nga paramilitarët serb.
E banorët këtu thonë se e din kush i kreu krimet mbi ta.
Këtë e tregon edhe Shpresa Shehu, e cila pa fqinjët e saj serb teksa jepnin urdhra të vriteshin të afërmit e saj.
Shehu që tani është edhe përfaqësuese e banorëve te Krushës së Vogël, ka bërë thirrje që emrat qe i përmendi të dënohen nga drejtësia.
E vrasje u kryen edhe në Krushën e Rahovecit.
Madje për serbët që dyshohet se bënë krime makabre ndaj popullsisë civile, dikush ishte edhe dëshmitar në Gjykatën e Prizrenit.
Në kujtesën e Milazim Durakut janë ende sekuencat kur fqinjët e tij serb kishin filluar të largonin shqiptarët nga fshati.
Ndërkohë, drejtësia kosovare ende nuk dënuar askënd për këto krime.
Nga të gjithë të përmendurit nga banorët e Krushës është duke u gjykuar vetëm Darko Tashiq.
Në këtë territor të Kosovës me datë 25,26 mars të 1999, pas bombardimeve te NATO-s u bë krimi makabër ndaj popullsisë civile shqiptare. /T7/
