Kryeministri Ramush Haradinaj, ka humbur besimin tek liderët dhe përfaqësuesit e Bashkimit Evropian.

Në konferencën për media, ai ka thënë se vështirë të u besohet evropianëve, sepse kërkesat e tyre ndaj Kosovës po shtohen gjithmonë.

“Qysh me i besu evropianëve se njëherë na ka thanë dialogun tash na thojnë taksën, ku me ditë çka na thonë më tutje, është bërë shumë vështirë me iu besu. Ne po punojmë rreth kësaj teme në shumë drejtime, tani presidencën BE e ka Rumania është pozitive sa i përket kësaj çështje”, tha Hardinaj.

Megjithatë ai thotë se po angazhohen për këtë temë, ndërsa tregon se zgjedhjet në BE janë një aryse e vonesës së liberalizimit të vizave.

“Ne po punojmë për këtë teme, megjithatë kjo nuk vjen me automatizëm pas kryerjes së kushteve se Evropa i ka procedurat e saj, e edhe zgjedhjet në BE”, ka deklaruar Haradinaj. /Reporteri.net/.