Partia Demokratike e Kosovës ka mbajtur sot kuvendin zgjedhor në Degën e Mitrovicës, ku me shumicë votash kryetar i Degës u zgjodh Bedri Hamza, i cili mbanë edhe pozitën e ministrit të Financave në Qeverinë e Republikës së Kosovës.
210 delegatët e kuvendit zgjedhor në Mitrovicë kanë zgjedhur po ashtu Këshillin Drejtues prej 71 anëtarëve dhe 21 delegatë për Konventën Qendrore.
Reporteri.net mëson se për Këshillin Drejtues më e votuara ka dalë Valdete Idrizi, ish kandidate nga PDK për kryetare të komunës së Mitrovicës në zgjedhjet e kaluara e cila ka marrë 141 vota të delegatëve.
Pas saj, vendin e dytë e ndajnë Donjet Bislimi që është kryetar i Rinisë së PDK-së dhe Vesa Broja me 127 vota, kurse pas tyre renditet Besa Veseli me 126 vota.
Më poshtë gjeni dokumentin që tregon se kush janë 34 anëtarët e zgjedhur për Këshill Drejtues nga 71 sa janë zgjedhur gjithësejt.
Kujtojmë se Partia Demokratike e Kosovës ka mbajtur edhe të shtunën dy kuvende zgjedhore të degëve në komunat e Ferizajt dhe Klinës.
Kryetari i Komunës së Ferizajt, Agim Aliu, ka marrë mbështetjen e plotë të delegatëve në kuvendin zgjedhor në Ferizaj për të udhëhequr degën e PDK-së në këtë komunë.
Ndërsa po ashtu, Sokol Bashota është zgjedhur me unanimitet të plotë kryetar i Degës së PDK-së në Klinë. /Reporteri.net/.