Maska, bishta cigaresh e plot mbeturina në Aeroportin e Prishtinës

Ndonëse nuk lejohet hedhja e maskave sidomos gjatë kësaj kohe kur po përballemi me COVID-19, në Aeroportin e Prishtinës “Adem Jashari” sheh lirshëm se si ato janë hedhur nëpër gjelbërim.

Përveç maskave, bishta të shumtë të cigareve janë hedhur kudo pa kontrollë.

Reporteri.net ka siguruar disa fotografi nga ANP-ja ku shihet grumbull mbreturinash ngado, në veçanti aty ku do të duhej të ishte më së pastërti, në barin që ende është i gjelbëruar.

Ditëve të fundit, ka pasur numër të madh të frekuentimit në Aeroportin e Prishtinës, me rastin e ardhjes së mërgimtarëve për festat e fundvitit.