Mbi 11 mijë nënshkrime mblidhen në Suharekë, kërkohet shfuqizimi i Ligjit për Lojërat e Fatit

Kryetari i komunës së Suharekës, Bali Muharremaj ka thënë se janë mbledhur mbi 11 mijë nënshkrime nga qytetarët për peticionin i cili kërkon shfuqizimin e Ligjit për Lojërat e Fatit.


Ai përmes një shkrimi në Facebook tha se peticioni ka përfunduar dhe se nesër bashkë me përfaqësuesit e tjerë të subjekteve politike do e dorëzojnë në Parlamentin e Kosovës.

“Këtë të drejtë kushtetuese e kërkuan qytetarët dhe bashkarisht me subjektet politike, u organizuam që kjo të realizohet si reagim qytetar, ndaj ngjarjeve tragjike që ndodhën në komunën tonë. I falënderoj të gjithë qytetarët për mbështetjen dhe secilin vullnetar që dha kontributin e tij”, ka shkruar Muharremaj. /Reporteri.net/.