Një djalë 13 vjeçar ka varur veten gjatë ditës së sotme në fshatin Sojevë të Ferizajt.
Rastin tragjik e ka konfirmuar për Reporteri.net zëdhënësi i policisë për këtë rajon, Agim Gashi.
“Sot rreth orës 18:30 një fëmijë i moshës 13 vjeç dyshohet se e ka varur vetën në shtallën e lopëve. Familjarët kanë raportuar vet rastin në polici ndërsa ekipi i mjekëve kujdestar e ka konfirmuar vdekjen e tij. Viktima është nga fshati Sojevë i Ferizajt”, ka thënë Gashi për Reporteri.net.
Ai ka shtuar se me urdhër të Prokurorit kujdestar trupi i pajetë i 13 vjeçarit i është lënë familjes për ceremoninë mortore. /Reporteri.net/.